Piktori nga Drenasi, Agim Bujupi, ka vendosur që punën e vet artistike ta ekspozojë në mënyrë të veçantë.

Punimet e tij, Bujupi ka vendosur t’i ekspozojë në llogarinë e vet në “Facebook”, për shkak siç ka thënë ai, pa pasur lidhje politike është vështirë të mbahet një ekspozitë në Galerinë e Arteve të Kosovës.

“Ideja për të hapur ekspozitë në rrjete sociale me lindi, meqë në Galeritë e Arteve shansi është shumë i vogël që t’i ekspozosh veprat artistike, të mediumeve të ndryshme. Pa pasur lidhje me agjentë politik dhe disa persona klanor, te cilët i konsiderojnë Galeritë e Arteve në një forme si atelie të tyre. Me këtë postim e shpalli ekspozitën e hapur”, ka shkruar Bujupi në llogarinë e vet në “Facebook”.