Prej disa javë në Spanjë është duke qarkulluar lajmi se Iker Casillas do të kandidojë për president të Federatës Spanjolle të Futbollit (RFEF) dhe tashmë kjo kandidaturë është konfirmuar.

Legjenda e Real Madridit u detyrua të pensionohej nga futbolli aktiv si pasojë e një sulmi në zemër gjatë stërvitjeve me Porton në vitin 2019.

Ndërsa ish-portieri spanjoll nuk e ka në plan të heqë dorë nga sporti më i popullarizuar në botë, ashtu që do ta kërkojë postin e kreut të federatës.

“Po, do ta prezantoj veten për Presidencën e RFEF kur të mbahen zgjedhjet”, ka konfirmuar Casillas përmes një njoftimi.

“Së bashku do ta ngremë federatën tonë në majat e futbollit botëror”, ka thënë kampioni i botës dhe Evropës me Spanjën.

Sí, me presentaré a la Presidencia de la @RFEF cuando se convoquen las elecciones. Juntos vamos a poner nuestra Federación a la altura del mejor fútbol del mundo: el de España. #IkerCasillas2020 pic.twitter.com/kHkBChqh4m

— Iker Casillas (@IkerCasillas) February 17, 2020