Deputeti Shpejtim Bulliqi, që ishte kandidat i LV-së për kryetar të Podujevës, ka fituar zgjedhjet e jashtëzakonshme në këtë komunë. Tash ai, pas zgjedhjes kryetar, duhet duhet ta lirojë ulësen në Kuvend të Kosovës.

Por, kush do ta zëvendësojë Bulliqin në Kuvendin e Kosovës, pasi ky i fundit do ta lirojë karrigen e tij, duke bërë kështu një vend për një emër të ri të LV-së.

Vendin e tij, sipas renditjes, pritet ta zë deputeti Taulant Kryeziu, i cili në zgjedhjet e 6 tetorit ka arkëtuar gjithsej 6 870 vota nga qytetarët e Kosovës.

Taulant Kryeziu është i lindur me 21 korrik 1985 në Prishtinë. Ai ka mbaruar Fakultetin Juridik në Universitetin e Prishtinës, i cili është vlerësuar me çmimin student i dalluar dhe magjistër nga Shkolla Londineze për Ekonomi dhe Shkenca Politike në Londër (LSE).