Antonio Conte nuk ka ndërmend të humbasë kohë për merkaton dhe kërkon të përforcojë skuadrën në muajin janar me një futbollist që e dëshiron prej më shumë se 6 muajsh: Alex Sandro.

Mbrojtësi që është nën kontratë me Juventusin është kthyer në një obsesion për trajnerin që drejton skuadrën londineze të Chelsea prej dy sezonesh, raporton “TCH”. Sipas medieve britanike, Antonio Conte kërkon të evitojë konkurrencën me rivalin e tij Mourinho për të sjellë në skuadër brazilianin.

Mirror zbulon se londienzët janë gati të ofrojnë 56 milionë euro në këmbim të lojtarit.
Nga ana tjetër, edhe pse trajneri Allegri është shprehur se nuk do të ketë lëvizje në merkato, Juve e shikon këtë si një mundësi të mirë për të shëndoshur financat, ndërkohë që prej kohësh kanë piketuar edhe zëvendësuesin e tij. Ai është mbrojtësi 24-vjeçar brazilian Wendell, që aktivizohet në radhët e Leverkusen prej vitit 2014.