Clippersat fitojnë derbin ndaj Lakersave, triumfojnë edhe Bostoni, Denveri dhe Bucks
Milwaukee rikthehet te fitorja në kampionat, duke mposhtur me vështirësi me rezultat 136-132 Oklahoma pas fushe, ndeshje e vendosur pas kohës shtesë.
Vendimtar për Bucks në këtë sfidë ishte Carter me 36 pikë e 12 asistim, duke bërë që të mos ndihej mungesa e Antetokounmpo. Për vendasit u dallua Shai me 39 pikë, por që mbetën për statistikë.
Clippersat fituan edhe derbin e dytë sezonal me Lakersat, këtë herë me shifrat 114-101, duke konfirmuar krizën e skuadrës rivale. Për Clippers u dallua George me 29 pikë, ndërkohë që 7 lojtarë realizuan mbi 10 pikë. Kjo i bëri të pavlefshme 30 pikët e LeBron James për Lakersat.
Fiton edhe Bostoni, që mundi me rezultat 128-112 Detroitin falë 30 pikëve të Brown. Ndërsa Utah Jazz triumfuan me rezultat 125-119 në fushën e Atlanta, sfidë ku diferencën e bëri Markkanen me 32 pikë. Rikthehet te fitorja Brooklyn, që mundi 112-85 New York (Durant 29 pikë, 12 rebound e 12 asistim), ndërsa 24 pikët e Nikolja Jokiq i dhanë fitoren Denverit, 122-119 në fushën e Indianan. /Telesport/
Rezultatet
Orlando – Dallas 94-87
Charlotte – Portland 95-105
Indiana – Denver 119-122
Atlanta – Utah Jazz 119-125
Boston – Detroit 128-112
Brooklyn – New York 112-85
Toronto – Houston 116-109
Chicago – New Orleans 111-115
Minnesota – Phoenix 117-129
Oklahoma – Milwaukee 132-136
San Antonio – Memphis 122-124
Clippers – Lakers 114-101
Sacramento – Cleveland 127-120