Covid-19 ia merr jetën ish- zëvendëskryeministrit shqiptar

21 nëntor 21:16

Ditën e sotme është ndarë nga jeta, Bashkim Kopliku, ish-zëvendëskryeministër dhe ministër i Brendshëm i qeverisë së parë të Partisë Demokratike më 1992 dhe dy herë deputet në parlamentin e Shqipërisë.

Mësohet se Bashkim Kopliku në profesion inxhinier elektronik, vdiq nga COVID 19.

Bashkim Kopliku u lind më 15 korrik 1943 në Shkodër. Më 1962 – 1966 ndoqi Fakultetin e Inxhinierisë Elektrike në Universitetin e Tiranës. Më 1966 – 1969 punoi si inxhinier elektronik në qendrën radiomarrëse të Kamzës, Tiranë. Më 1969 – 1970 u zhvendos nga Tirana në Shkodër për arsye politike.

Ka qenë zëvendëskryeministër i Shqipërisë në periudhën 1992-1995, deputet në Kuvendin e Shqipërisë në 1991-1997, kryetar i Komisionit Parlamentar të Ekonomisë në 1996-1997, anëtar i kryesisë së PDSH në 1991-1997, i dekoruar me “Urdhrin e Lirisë të Klasit të Parë”, nga Presidenti i Shqipërisë në vitin 1993, kryetar i Bashkisë Durrës (Komiteti Ekzekutiv Pluralist Durrës) në 1991-92, kryeinxhinier i URT-së, Durrës në 1990, ka mbajtur pozicione të ndryshme drejtuese në fushën e elektronikës, por edhe dënim si punëtor për qëndrime “të gabuara” politike në 1975-76.

Është autor i rreth 700 shkrimeve, opinione në gazeta të ndryshme, etj. etj.”

Lajme të sponsorizuara

Të fundit
Shefi i LDK-së, Isa Mustafa, ka folur për për përfshirjen…