Covid-19 në Shqipëri: 3 viktima dhe 71 raste të reja në 24 orët e fundit
06 korrik 2020
| 11:48
Tre viktima në Shqipëri janë konfirmuar nga Covid-19, mes tyre dhe mjeku Hysni Shkjau në 24 orët e fundit.
Ndërkohë janë bërë 459 testime, nga ku 71 kanë rezultuar pozitivë: 24 raste në Tiranë, 8 në Elbasan, 6 në Durrës, nga 5 raste në Krujë, Kukës, Lezhë, 4 në Kurbin, 3 në Vlorë, nga 2 raste në Korçë, Shkodër, Përmet, dhe nga 1 rast në Delvinë, Vau Dejës, Bulqizë, Kamëz, Fier.
Në 24 orët e fundit janë shëruar 45 qytetarë, duke e çuar në 1 702 numrin e të shëruarve që nga fillimi i epidemisë.
Në Shqipëri aktualisht janë 1 183 persona aktivë me Covid-19, kryesisht në Tiranë, Shkodër, Krujë, Durrës, raporton “TCh”.