Ministri i Jashtëm i Serbisë, Ivica Daçiq, ka thënë se më 17 maj pritet të ndodh votimi në Këshillin e Ministrave për anëtarësimin e Kosovës në Këshill të Evropës, por se para kësaj Kryeministrit të Kosovës, Albin Kurtit i kërkohet dërgimi i draft-Statutit të Asociacionit të komunave të banuara me shumicë serbe në Gjykatën Kushtetuese.

Daçiqi ka thënë se “kjo nuk do të thotë se do të shkohet menjëherë me votim” duke shtuar se Franca dhe Italia kanë rezerva ndërsa Hungaria është krejtësisht kundër anëtarësimit të Kosovës në KiE.

“Ata po e shtyjnë Albin Kurtin që të dërgojë statutin e Asociacionit të komunave serbe në Gjykatën Kushtetuese të Kosovës dhe derisa francezët thonë se duhet përgjigja e gjykatës, disa thonë se mjafton vetëm dërgimi i draft-statuti”, ka thënë Daçiqi në “TV Prva”.