Makina Toyota Supra e drejtuar nga aktori Paul Walker në filmin e parë “Fast & Furios” pritet të dalë në ankand muajin e ardhshëm.

Supra është një model i veçantë, pasi ka një motor me gjashtë cilindra të linjës turbo dhe me një kambio automatike me katër shpejtësi.

Ankandi për Toyota Supra të vitit 1994 do të mbahet nga 17-19 qershori, por ende nuk ka një çmim se me sa do të fillojë.

Makina u ndërtua nga Eddie Paul për filmin e parë dhe u modifika për filmin e dytë. Duke qenë se është përdorur nga aktori i ndjerë, kjo makinë mund të shitet për ndonjë shifër marramendëse.