Delawie: Do të dënohen politikanët që mbështesin shfuqizimin e Gjykatës Speciale

17 janar 11:25

Ambasadori i Shteteve të Bashkuara në Kosovë, Greg Delawie, gjatë një prononcimi për medie i ka shprehur ngushëllime familjes së politikanit serb të vrarë, Oliver Ivanoviq.

Delawie ka thënë, se dënon këtë akt derisa ka kërkuar që askush të mos e përdorë këtë krim për qëllime politike.

Ai ka thënë se dëshiron të flasë për drejtësi dhe përkushtimin e Kosovës në këtë aspekt.

Sipas tij ky përkushtim është nën kërcënim serioz nga një nismë për ta zhbërë apo ndryshuar Ligjin për Gjykatën Speciale.

“Kjo përpjekje paraqet shembull të tmerrshëm, të rastit kur interesat vetanake, mbizotërojnë mbi të mirën e përgjithshme dhe mbi interesat e Kosovës si shtet. Më lejoni të jem i qartë, deputetët që mbështesin këtë nismë dhe politikanët që i prijnë asaj, përkundër mohimeve të tyre, do t’ju nënshtrohen dënimeve specifike dhe të ashpra. Ata e dinë këtë, sepse ua kemi thënë”, ka shtuar ambasadori Delawie. (Rel)

Lajme të sponsorizuara

Të fundit
Zëvendësministri i punëve të Brendshme, Izmi Zeka, ka përkujtuar veprimtarët,…