Me rastin e 19-vjetorit të masakrës së Mejës në Gjakovës, deputeti i Partisë Demokratike të Kosovës (PDK), Hajdar Beqa, ka bërë homazhe te Kompleksi Memorial.

Ai ka thënë se masakra e Mejës është njëra prej masakrave më të mëdha.

“Sot më 27 Prill u bënë 19 vite nga Masakra e Mejës, njërës prej masakrave më të mëdha në Kosovë. Meja dhe Gjakova mbajnë në vete dëshminë më të fortë, se sa e vështirë ishte rruga drejtë lirisë. Lavdi e përjetshme martirëve dhe dëshmorëve të kombit!”, ka shkruar Beqa në llogarinë e vet në “Facebook”.