Deputetja e PDK-së e vlerëson të ngutshme dhënien e licencave kompanisë “Kelkos”

10 dhjetor 15:58

Deputetja e Partisë Demokratike të Kosovës, Eliza Hoxha po e vlerëson të ngutshme dhënien e licencave afatgjate kompanisë “Kelkos Energy” për dy hidrocentralet, “Deçani” dhe “Belaja”.

Deputetja opozitare gjatë interpelancës së sotme, ku ministri i Ekonomisë dhe Ambientit, Blerim Kuçi po raporton për këto licenca, tha se përderisa ishin duke hetuar ky proces, nuk është dashur të lëshohen këto licencat për “Kelkos”. “Kjo nguti në lëshimin e lejeve në kohë të hetimit të procesit lë hapësirë për diskutim. Kujtojmë që në muajin tetor u pezullua puna e këtyre hidrocentraleve dhe menjëherë pas një muaji u dha leja mjedisore. Në anën tjetër hidrocentralet e Kelkos kishin marrë leje operimi nga ZRRE për periudhën 1 vjeçare në vitin 2016 me qëllim që brenda kësaj periudhe testuese të sillet leja mjedisore. Pse u dashtë 4 vite lëshimi i lejes. A ka raportuar dikush se Kelkos po vazhdonte të prodhonte rrymë jashtëligjshëm sepse e kishte kaluar fazën testuese”, u shpreh ajo.

Seanca e re po vazhdon dhe janë paraparë 17 pika të rendit të ditës./KP/

Lajme të sponsorizuara

Të fundit
Posta e Kosovës me anë të një komunikate për medie,…