Shkruan: Besa Ismaili-Ahmeti 

Është e papranueshme që në vitin 2025, kur bota po përgatitet për epokën e inteligjencës artificiale dhe arsimit digjital, fëmijët e Kosovës të mbeten 4.5 vite prapa bashkëmoshatarëve të tyre në Bashkimin Evropian. Po aq alarmuese është që vetëm një e treta e fëmijëve nga komunitetet rom, ashkali dhe egjiptas arrijnë të ndjekin arsimin e mesëm apo të lartë, ndërsa fëmijët me nevoja të veçanta vazhdojnë të jenë pa mbështetje bazike institucionale.

Këto janë kryekëput dështime politike!

Politikës i ka munguar vizioni dhe përgjegjësia. As nxënësit e as mësimdhënësit nuk janë fajtorë për këtë gjendje. Fajtore është politika që për vite të tëra ka trajtuar arsimin vetëm si slogan elektoral, e jo si prioritet kombëtar të mirëfilltë.

Është koha që arsimi të trajtohet si alarm kombëtar.

Pa arsim cilësor, nuk ka zhvillim ekonomik dhe nuk ka të ardhme për shtetin.