Dështojnë përpjekjet e ShBA-së për ta dënuar Hamasin në OKB

07 dhjetor 11:59

Një tentim i Shteteve të Bashkuara të Amerikës për të dënuar grupin islamik Hamas për nisje të raketave nga Gaza në Izrael ka dështuar të fitojë vota të mjaftueshme në Asamblenë e Përgjithshme të Kombeve të Bashkuara.

Një draftrezolutë më 6 dhjetor ka marrë 87 vota për dhe 58 të tjera kundër, mirëpo nuk ka arritur të fitojë dy të tretat e nevojshme për t’u miratuar.

Nëse do të miratohej kjo draftrezolutë do të kishte qenë dënimi i parë zyrtar i Hamasit nga OKB-ja.

Pak para votimit, ambasadorja amerikane në OKB, Nikki Haley e ka cilësuar votimin hap të rëndësishëm për arritje të paqes në Lindje të Mesme dhe u ka bërë thirrje anëtarëve për të mbështetur këtë dokument.

Rezoluta e prezantuar ka synuar të dënojë organizatën ekstremiste palestineze për nisje të vazhdueshme të raketave në Izrael dhe nxitje të dhunës, duke vënë civilët në rrezik.

Lajme të sponsorizuara

Të fundit
Tashmë është e qartë se ekziston një betejë për faktorizim,…