Dështon misioni për nisjen në Hënë i anijes hapësinore të Indisë

15 korrik 11:30

India ka shtyrë misionin e saj të dytë në Hënë, për shkak të asaj që agjencia hapësinore e vendit e ka përshkruar si një “pengesë teknike”.

Misioni “Chandrayaan-2” është ndërpre më pak se një orë përpara nisjes.

Një zëdhënës i Organizatës për Hulumtime Hapësinore indiane, ka thënë se një problem teknik i paspecifikuar ishte vërejtur në sistemin e nisjes së raketës.

Agjencia ka thënë se do të njoftojë një datë të e re të nisjes.

“Chandrayaan”, është projektuar për të eksploruar depozitat e ujit të konfirmuara nga një mision i mëparshëm hapësinor indian.

Nëse India do të menaxhonte uljen në Hënë, do të ishte vendi i katërt që do ta bënte këtë, pas Shteteve të Bashkuara, Rusisë dhe Kinës.

Misioni i parë në Hënë nuk ka realizuar ulje, por ka bërë kërkimin e parë dhe më të detajuar për ujin atje.

Lajme të sponsorizuara

Të fundit
India ka shtyrë misionin e saj të dytë në Hënë,…