Raketat ruse kanë goditur qytetin ukrainas të Vasylkiv në jugperëndim të kryeqytetit, Kiev, duke i vënë flakën një refinerie nafte, tha kryetari i bashkisë së qytetit sot, shkruan BBC.

“Armiku dëshiron të shkatërrojë gjithçka përreth”, tha Natalia Balasinovich në një video të postuar në internet.

Fotografitë dhe videot e publikuara në rrjete sociale dhe medie tregojnë flakët e mëdha të zjarrit dhe tymin e zi, ndërsa autoritetet paralajmëruan banorët që të jenë në gatishmëri për tym toksik.