Donika Kadaj-Bujupi tregon pse nuk e votoi Hotin për kryeministër

03 qershor 2020 | 15:57

Deputetja e AAK-së, Donika Kadaj-Bujupi, ka treguar arsyen pse sot nuk e votoi Qeverinë Hoti.

Ajo përmes një postimi në llogarinë e vet në “Facebook”, ka shkruar se kryeministri Avdullah Hoti qëndron në anën e kundërt të besimeve të saj politike.

“Jam e vetëdijshme që në zgjedhje nuk votohet për kryeministër. Pra jo domosdoshmërisht kandidati/ja që ka fituar më shumë vota duhet të jetë domosdoshmërisht  kryeministër. Por nuk mund të themi se vota e qytetarëve nuk është fare e rëndësishme. Në këtë rast është anashkaluar nje grua e cila u votua për kryeministre dhe u caktua një kandidat tjetër në tavolinë.

Prandaj edhe nuk votova për Hotin kryeministër”, ka shkruar Kadaj-Bujupi.

Postimi i plotë i saj:

Kryeministri Avdullah Hoti qëndron në anën e kundërt të besimeve të mia politike. Ai ishte i pari dhe më i zëshmi që insistonte në heqjen e taksës ndaj Serbisë. Në fazën në të cilën ndodhet Kosova, nuk mund të ndjehem rehat kur një shef ekzekutivi drejton dialogun me Serbinë me të tilla qëndrime. Ky dialog ka shumë paqartësi dhe shumë udhëkryqe. Prandaj kërkon një udhëheqje të qëndrueshme dhe parimore.

Jam e vetëdijshme që në zgjedhje nuk votohet për kryeministër. Pra jo domosdoshmërisht kandidati/ja që ka fituar më shumë vota duhet të jetë domosdoshmërisht  kryeministër. Por nuk mund të themi se vota e qytetarëve nuk është fare e rëndësishme. Në këtë rast është anashkaluar nje grua e cila u votua për kryeministre dhe u caktua një kandidat tjetër në tavolinë.

Prandaj edhe nuk votova për Hotin kryeministër.

(M.K / Epoka e re)

Lajme të sponsorizuara

Të fundit
Oda Ekonomike Amerikane në Kosovë njofton se ka ndarë nga…