Shoqata për Krimet e Luftës “Gjakova 98-99”, ka dorëzuar 102 kallëzime penale ndaj serbëve për krime lufte.

Dorëzimi i këtyre padive është bërë sot në Departamentin për Krime Lufte në Policinë e Kosovës.

Kryetarja e Shoqatës “Gjakova 98-99”, Shkëndije Hoda, ka treguar se ky është bashkëpunimi i parë që kanë me Policinë e Kosovës.

“Sot arritëm që ta sjellim kontingjentin e trembëdhjetë të kallëzimeve penale ku janë përfshirë 102 lëndë për krime të luftës në Komunën e Gjakovës”, ka deklaruar ajo, duke shtuar se bëhet fjalë për raste të ndryshme.