Drejtuesit e KOK-ut në Asamblenë e ANOC-ut

17 tetor 16:54

Drejtuesit e Komitetit Olimpik të Kosovës, presidenti Besim Hasani dhe sekretari i përgjithshëm, Shasivar Haxhijaj, po marrin pjesë në Asamblenë e Përgjithshme Vjetore të ANOC-ut (Asociacioni i Komiteteve Olimpike Kombëtare), e cila po mbahet në Doha të Katarit.

Krahas 1 mijë delegatëve nga 204 vende të botës, në Asamble po merr pjesë edhe presidenti i Komitetit Olimpik Ndërkombëtar, Thomas Bach, i cili duke folur për transparencën, ka thënë se Lojërat Olimpike nuk janë krijuar për të bërë para, por për të krijuar misionin për paqe. Ndër temat e shumta që po trajtohen janë edhe ato për Lojërat Botërore në Rërë që u mbajtën në Katar, Lojërat Olimpike Tokyo 2020, Lojërat Olimpike Dimërore Beijing 2020.

Avancimi i Komiteteve Olimpike Kombëtare pritet të jetë një nga temat që do të diskutohen gjatë këtyre dy ditëve.

Presidenti Hasani dhe sekretari i përgjithshëm, Haxhijaj, po e shfrytëzojnë Asamblenë edhe për takime të ndryshme me drejtues të lartë të ANOC-ut dhe Komiteteve Olimpike Kombëtare.

Fjalët Kyçe:

Lajme të sponsorizuara

Të fundit
Thuajse të gjithëve ju ka ndodhur që teksa pastrohen kungujt…