Sot (e enjte) zhvillohen dy ndeshje derbi në Superligën e Kosovës në futboll. Në Drenas, ish-kampioni i elitës, Feronikeli, e pret skuadrën lidere, Ballkanin.

Ky i fundit është duke kaluar çaste fantastike dhe synim ka maksimumin e pikëve edhe ndaj “Niklit”. Vendësit që drejtohen nga Klodian Duro në ndeshjen e fundit luajtën baras me Gjilanin dhe në këtë ndeshje synojnë fitoren.

Ndeshje e fortë do të zhvillohet edhe në Gjilan, ku skuadra e Gjilanit e pret Llapin. Vendësit luajnë për tri pikë në mënyrë që të ruajnë hapin për titull, kurse llapjanët, që ishin shfaqur të pakënaqur me ndarjen e drejtësisë dhe kishin paralajmëruar braktisjen e garave, kanë ndryshuar mendim pas një takimi që kanë pasur drejtuesit e klubit me drejtuesit e Federatës së Futbollit të Kosovës.

SUPERLIGA

Sot takohen:
13:30 Feronikeli – Ballkani
13:00 Gjilani – Llapi
Trepça ’89-Drita            0-1
Prishtina-Arbëria           1-0
Besa-Drenica                 0-0

Tabela

1. Ballkani           10 25 pikë
2. Drita                  9 22
3. Gjilani              10 17
4. Drenica            11 15
5. Prishtina          10 14
6. Trepça ’89        11 14
7. Feronikeli         10 11
8. Arbëria              11 11
9. Besa                   11 6
10. Llapi                 9 5

(V.Z / Epoka e re)