Dy ditë pa u parë, Graniti i bën Fifit surprizë romantike

14 tetor 2021 | 16:34

Pas një pauze katër vjeçare, reality-show BigBrother u rikthye por tani në një format tjetër me personazhe të njohura ‘VIP’. Natën e parë u prezantuan 14 banorë, numër ky që mund të rritet apo zvogëlohet nga eliminimet apo hyrjet nga java në javë.

Big Brother VIP po vazhdon të jetë shumë i komentuar për ngjarjet dhe dinamikën e personazheve brenda shtëpisë.

Këngëtarja Filloreta Raçi e njohur me emrin artistik ‘Fifi’ kaloi dy ditë në “dhomën e dënimeve” së bashku me tre banorët e tjerë; Palomën, Ilirin dhe Arditin pasi kishin thyer disa rregulla.

Mbrëmjen e djeshme ata janë ribashkuar me pjesën tjetër të banorëve dhe më të lumturit nga ky bashkim ka qenë Fifi dhe Graniti. Dyshja janë takuar menjëherë me njëri-tjetrin mes përqafimesh e deklaratash të ëmbla.

Graniti i tha këngëtarës së i është dukur shtrati i saj bosh gjatë këtyre ditëve ndërsa i pyetur nga ajo se sa e ka marrë malli nga 1 deri në 10, ai tha më shumë se 10.

Po ashtu, Graniti e ka surprizuar Fifin në mënyrën më të bukur dhe romantike. Ai ka formuar një zemër me trëndafil e qirinj në shtratin e saj, duke lënë pa fjalë jo vetëm këngëtaren por gjithë banorët.

 

Fifi dhe Graniti janë komentuar kudo në rrjet si çifti i parë i mundshëm në shtëpinë e “Big Brother VIP”, dhe natën e spektaklit të së martës ata pranuan se mes tyre po lind diçka, duke përshkruar ndjesitë me fjalët më të ëmbla.

Graniti deklaroi një ditë më parë se Fifi i ishte gjendur pranë në momente trishtimi e mërzie, ndërkohë këngëtarja, nga ana tjetër, tha se e shihte modelin si një “mburojë”.

* BIG Brother VIP Albania mund ta ndiqni ekskluzivisht në platformën IPKO, në dy kanale HD të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.

Lajme të sponsorizuara

Të fundit
Ish-mesfushori i Arsenalit, Jack Wilshere, ka këmbëngulur se ai nuk…