Dy nxënës janë goditur nga rryma në shkollën fillore “Faik Konica” në Prishtinë.

Të miturit tashmë janë dërguar në tretman mjekësor.

Lajmin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

“Rreth orës 10:30 kemi pranuar informatën se në rrugën ‘George Bush’ në Prishtinë, dy persona (të mitur) janë goditur nga rryma elektrike. Personat janë dërguar për tretman mjekësor”, ka deklaruar Ahmeti, duke shtuar  se policia në koordinim me institucionet përkatëse janë duke e hetuar rastin.