Dy pjesëtarët Forcës së Sigurisë së Kosovës janë ndaluar nga policia serbë në kufirin Kosovë Serbi, skatësisht në Jarinje.

Të dy ushtarët, burrë e grua, kanë nacionalitet serb nga Zubin Potoku.

Lajmin për “Express”, e ka konfirmuar zëdhënësi i FSK’së, Ibrahim Shala.

“Është e vërtetë se ushtarët e FSK’së janë ndaluar në kufirin Kosovë-Serbi, e më pas janë liruar”, ka konfirmuar Shala.

Sipas Shalës, pjesëtarët e FSK’së janë ndaluar për pak kohë e më pas kanë vazhduar rrugën pa ndonjë incident.

“Ushtarët e FSK’së janë ndaluar nga policia serbe, por janë liruar menjëherë pas pak kohe dhe kanë vazhduar rrugën pa ndonjë incident tjetër”, ka thënë Shala.