Kryeministri i Shqipërisë, Edi Rama, do të zhvillojë sot një vizitë zyrtare në Francë, ku do të pritet nga presidenti francez, Emmanuel Macron, në Paris.

Takimi mes dy liderëve pritet të mbahet në mesditë në Pallatin Elysee.

Sipas njoftimit të qeverisë franceze, në fokus të bisedimeve do të jenë procesi i integrimit evropian të Shqipërisë, si dhe zgjerimi i investimeve franceze në vend.

Po ashtu, pritet të diskutohen edhe çështje me interes të përbashkët në kuadër të bashkëpunimit dypalësh mes Shqipërisë dhe Francës.