EHF-ja përgëzon FHK-në për përmbyllje të suksesshme të edicionit

08 korrik 2020 | 23:56

Presidenti i Federatës Evropiane të Hendbollit, Michael Wiederer i ka dërguar letër Federatës së Hendbollit të Kosovës përmes të cilës ka përgëzuar FHK-në për përmbyllje të suksesshme të edicionit 2019\2020 të garave.

Fillimisht FHK-ja ka njoftuar EHF-në dhe IHF-në për përfundimin e edicionit pas rrethanave të reja të krijuara dhe për masat që janë marrë për të ruajtur shëndetin e pjesëmarrësve.

“Në emër të Federatës Evropiane të Hendbollit iu përgëzoj për procesin që qartë ishte i suksesshëm, në një situatë e cila ishte dhe vazhdon të jetë sfiduese për të gjithë”, ka shkruar presidenti Wiederer, ndër të tjera.

Sipas udhëheqësit të EHF-së, hapi i ardhshëm është përgatitja e edicionit tjetër të garave, për të sjellë sportin e hendbollit në rrugën e duhur.

Punën e bërë nga FHK-ja e kishte vlerësuar lartë edhe ministrja e Kulturës, Rinisë dhe Sportit, Vlora Dumoshi.

(V.Z / Epoka e re)

Lajme të sponsorizuara

Të fundit
214 të reja kanë rezultuar pozitiv me Covid-19, por lajm…