Ekonomia e Gjermanisë u rrit në nivel rekord në çerekun e tretë

24 nëntor 09:05

Ekonomia e Gjermanisë ka shënuar rritje rekorde prej 8.5 për qind gjatë tremujorit të tretë të këtij viti, pavarësisht vështirësive të shkaktuara nga efektet e pandemisë.

Kjo rritje erdhi si rezultat i rimëkëmbjes së pjesshme të ekonomisë më të fuqishme evropiane nga rënia e pashembullt që u shënua gjatë valës së parë të pandemisë, shkruan “Reuters”, transmeton “Express”.

Rritja ekonomike në çerekun e tretë ishte edhe më e lartë se parashikimi paraprak për rritje prej 8.2-përqindësh.

Përmirësimi i situatës ekonomike erdhi pas rënies së madhe prej 9.8 për qind që ekonomia gjermane pësoi në çerekun e dytë të vitit.

Gjatë verës, Gjermania i ka lehtësuar masat kufizuese dhe aktiviteti ekonomik ka vazhduar me ritëm më të lartë se në çerekun e dytë, kur qeveria mbylli kufijtë dhe vendosi shumë masa tjera me qëllim të parandalimit të përhapjes së virusit.

 

Lajme të sponsorizuara

Të fundit
Shqiptarët janë populli më kursimtar në Ballkanin Perëndimor. Të dhënat…