Elezaj: Mujë Krasniqi ishte bërthama e UÇK-së

06 qershor 15:42

Sot, në ditëlindjen e komandantit të UÇK-së, Mujë Krasniqit, kryetari i Komunës së Klinë, Zenun Elezaj, i shoqëruar nga bashkëpunëtorë të komunës, përfaqësues të OVL-UÇK-së, familjarë të komandant “Kapuçit” dhe qytetarë, kanë bërë homazhe dhe kanë vendosur kurora lulesh pranë bustit të Mujë Krasniqit në Klinë dhe në kompleksin memorial te varrezat e dëshmorëve të kombit, në Marinë.

Po ashtu, vizitë është bërë edhe te kulla muze e Komandant Mujë Krasniqit në fshatin tij të lindjes, Çabiq.

Kryetari Elezaj ka theksuar se Komandant “Kapuçi” ishte një ndër projektuesit e Ushtrisë Çlirimtare të Kosovës dhe një ndër luftëtarët më të zotë në luftën për liri e pavarësi, që i përket bërthamës së krijimit e zgjerimit të UÇK-së në tërë territorin e Kosovës.

Elezaj shtoi se lufta e drejtë e UÇK-së largoi një herë e mirë mizoritë serbe ndaj popullatës civile shqiptare, ndërsa sakrifica e gjaku i derdhur i dëshmorëve të kombit u shndërrua në gurë themeltar të pavarësisë e shtetndërtimit.

Si çdo vit tjetër, edhe këtë vit ishte planifikuar mbajtja e Festivalit Folklorik “I Këndojmë Lirisë”, i cili organizohet për nderë të ditëlindjes së Komandant Mujë Krasniqit, por për shkak të rrezikut të përhapjes së virusit COVID-19, kuvendi i komunës, në mbledhjen e  tretë të rregullt, ka marrë vendim që të anulohet organizimi i festivalit për këtë.

Lajme të sponsorizuara

Të fundit
Nënkryetari i Partisë Demokratike të Kosovës, Shaqir Totaj, ka thënë…