Presidenti i Serbisë, Aleksandar Vuçiq, ka lavdëruar marrëdhëniet ekonomike dhe tregtare të vendit të tij me Turqinë, duke thënë se ndjehet krenar për marrëdhëniet e mira të këtyre vendeve.

“Jam krenar për marrëdhëniet shumë të mira midis Turqisë dhe Serbisë,” tha Vuçiç dhe vuri në dukje rëndësinë e përmirësimit të mëtejshëm të këtyre marrëdhënieve, pasi ai tha se duhet të bëhet edhe më shumë, raporton “Anadolu Agency”.

Vuçiç bëri të ditur se presidenti i Turqisë, Recep Tayyip Erdogan, gjatë muajit qershor do të vizitojë Serbinë.

“Me pa durim pres në qershor që të shoh presidentin turk Erdoğan në Beograd. Vizita është konfirmuar dhe ky është një lajm i mirë për ne”, u shpreh Vuçiq.