Erdogan: Së shpejti mund të takohem me Trumpin

24 prill 11:53

Presidenti i Turqisë, Recep Tayyip Erdogan ka paralajmëruar se një takim me homologun e tij amerikan Donald Trump është i mundur së shpejti.

Deklarata e presidentit turk erdhi në një pritje solemne me rastin e 23 prillit, Festës së Sovranitetit Kombëtar dhe Ditës së Fëmijëve, pas pyetjes nëse një takim mes tij dhe Trumpit mund të ndodhë në një kohë të afërt.

“Ndoshta. Ai kërkoi një takim. Mund të ndodhë këto ditë”, ka  thënë Erdogan, para gazetarëve në kompleksin presidencial në Ankara.

Takimi i fundit midis dy presidentëve u realizua më 1 dhjetor 2018, në kuadër të samitit të liderëve të G20-tës në Argjentinë.

 

Lajme të sponsorizuara

Të fundit
Rusia ka lëshuar një nëndetëse të re me kapacitet bërthamor…