Modelja Lea Legisi u bë e njohur në emisionin e Top Channel “She is on Top”.

Ajo ishte e ftuar sot në “Ftesë në 5” me Bieta Sulon për të sqaruar ato “gojë të liga” që i komentojnë se ka punuar si eskortë në Dubai.

Lea i ka hedhur poshtë këto zëra, duke thënë se atje ka punuar në një Theme Park dhe ka përfunduar studimet për Menaxhim Biznesi.

“Ishte familja ime që pa disa oferta pune në Dubai dhe më thanë që pse mos ta provosh. Isha 18-19 vjeç. Kam punuar që 16 vjeç, dhe nuk e shihja të ardhmen këtu.

Punoja në një Theme Park, si Disney Land. Kemi qenë shumë shqiptarë që kemi aplikuar por vetëm 20 veta që fituam. Rroga ishte diku te 1500 euro.

Por s’më mbetej asgjë se i harxhoja të gjitha. Pëfundova dhe shkollën atje me kursimet e mia, për menaxhim biznesi,” tregoi ajo.