Tashmë në Aeroportin Ndërkombëtar “Adem Jashari” në Prishtinë kanë arritur familjarët e bashkatdhetarëve të cilët gjendeshin në autobusin e aksidentuar në Kroaci.

Aty shihet një numër i madh i veturave që kanë mbushur parkingun e aeroportit me qytetarë të shumtë.

Në mesin e këtyre familjarëve ka shumë gra e fëmijë të cilët po i presin të afërmit e tyre me dhimbje e lot.

Në aeroport tashmë kanë mbërritur dhe tri ambulanca. Sonte pritet që të sillen në Kosovë disa nga udhëtarët që gjendeshin në autobusin e kompanisë “Deva Tours”.

Aksidenti tragjik ndodhi mëngjesin e së dielës ku 10 persona mbetën të vdekur dhe mbi 40 të tjerë u lënduan.