Kryetari i Vushtrrisë, Ferit Idrizi i cili rikandon edhe për një mandat për kryetar komune nga radhët e PDK-së, ka prezantuar kandidatin për asambelë komunale, të riun Xhon Gubetini, nipin e ish të përndjekurit politik, Nuredin Gubetini.

Njoftimi i plotë i Idrizit:

Me kënaqësi sot ju prezantoj kandidatin për Kuvendin e Komunës së Vushtrrisë, Xhon Gubetini nga fshati Nedakoc, një i ri me energji dhe vizion për t’i shërbyer të gjithë qytetarëve të Vushtrrisë.

Ai aktualisht është në përfundim të studimeve mbi çështjet e sigurisë, të cilat i ndjek në Kolegjin UBT, dhe njihet si student shembullor. Xhoni është rritur në një familje me vlera të larta patriotike, ku gjyshi i tij, z. Nuredin Gubetini, ishte i përndjekur politik.

Xhoni është dëshmi se të rinjtë tanë kanë kapacitete të mjaftueshme për të ndryshuar qytetin dhe për të sjellë ide e projekte që japin gjallëri, shpresë dhe drejtim të ri zhvillimit.

Në zgjedhjet lokale të 12 tetorit, Xhoni kërkon besimin tuaj që t’ju përfaqësojë denjësisht, si një frymë e re për Vushtrrinë!