Skuadra e Fiorentinës edhe zyrtarisht ka nisur negociatat me Interin për shërbimet e Kristjan Asllanit.

Bëhet e ditur se marrëveshja mes palëve mund të arrihet së shpejti pasi trajneri i Fiorentinës, Stefano Pioli po insiston në transferimin e Asllanit.

23-vjeçari dëshiron të mbetet pjesë e Interit, ekip që tashmë e ka nxjerrë në shitje dhe për kartonin e tij po kërkon 15 milionë euro.

Asllani ka kontratë me Interin deri në vitin 2028, ndërsa interesim për transferimin e tij, tashmë kanë shfaqur edhe Bologna e Real Betisi.