Forcat speciale të Gjermanisë dhe armatimet e humbura

03 mars 23:33

Tashmë nën hetim për simpatitë ndaj ekstremit të djathtë, njësia elite komando e Gjermanisë, KSK i ka lejuar anëtarët t’i kthejnë armët e vjedhura pa ndëshkim. Kjo shihet si një hap pas në përpjekjet për reforma.

Gjeneral brigade Markus Kreitmayr ofroi një mundësi të padëgjuar në fillim të vitit të kaluar. Kreu i KSK, njësi e forcave speciale gjermane, u tha trupave të tij se mund të kthejnë çdo armë dhe municion të marrë pa leje – në mënyrë anonime dhe pa frikë nga pasojat.

Tashmë dihej se ishin zhdukur një numër i madh armësh. Më pak e qartë ishte nëse kjo ishte për shkak të një gabimi në inventar apo nëse anëtarët e KSK-së i kishin marrë ato me qëllim, gjë që do të ishte vepër penale.

Oferta e Kreitmayrit u prit mirë. Të paktën 25.000 fishekë e municion u kthyen në mënyrë anonime midis marsit dhe majit 2020, sipas Komisionit të Mbrojtjes të Bundestagut, i cili ishte informuar vetëm kohët e fundit në lidhje me nismën. U kthyen edhe granata dore.

default

KSK është forca e shpejtë e reagimit të Bundeswehr, e ngarkuar për shpëtimin e pengjeve dhe luftimin e terrorizmit jashtë vendit

KSK dhe ekstremizmi i djathtë

KSK, me qendër në Gjermaninë jugperëndimore, ka qenë nën vëzhgim nga afër që kur dolën në dritë vitin e kaluar incidentet e ekstremizmit të djathtë të dyshuar. Ushtarët që bënin përshëndetjen e Hitlerit dhe më pas armët që u zhdukën ishin pika e fundit për Ministren gjermane të Mbrojtjes Annegret Kramp-Karrenbauer.

Ajo ngriti një grup pune për të shqyrtuar operacionet e KSK dhe për të paraqitur reforma. Një nga degët e kompanisë u shpërbë tërësisht. KSK ka për detyrë shpëtimin e pengjeve dhe luftimin e terrorizmit jashtë vendit. Njihet si forca e reagimit të shpejtë të ushtrisë gjermane.

Soldaten des Kommandos Spezialkräfte (KSK)

Një hetim pritet të përfundojë deri në verë dhe KSK ekziston “me kusht” deri atëherë, ka thënë Kramp-Karrenbauer. Ajo ka premtuar një shpjegim transparent të asaj që ka ndodhur. Por tani duket se programi i diskutueshëm i amnistisë për kthimin e armëve, mund të jetë fshehur.

Armët e zhdukura nuk u përmendën as në një raport paraprak mbi reformën e KSK, të cilën Gjenerali Eberhard Zorn, oficer i rangut më të lartë gjerman dhe Inspektori i Përgjithshëm i forcave të saj të armatosura, e publikoi në fund të tetorit. Në vend të kësaj, rastet u përmendën si “gabime në kontabilitet” dhe “gabime numërimi”. Me sa duket as Kramp-Karrenbauer nuk dinte gjë për një kohë të gjatë.

Soldaten des Kommandos Spezialkräfte (KSK)
Ushtarët e KSK hyjnë në një ndërtesë

Armët e groposura në kopsht

Një deklaratë e një ushtari të KSK, i cili kishte vjedhur vetë armë, e ndezi skandalin. Në procesin gjyqësor kundër tij, ai përmendi përpjekjen për të mbledhur armë në Calw, por tha se nuk kishte marrë pjesë në të. Përkundrazi, ai tha se kishte preferuar t’i groposte armën dhe municionet në kopshtin e tij.

Zorn, i cili drejton grupin e punës për reformën e KSK, nuk ia kishte treguar komisionit parlamentar përpjekjen e diskutueshme për të rimbledhur armët. Ai më vonë pranoi se kishte gabuar dhe pritet ta informojë komisionin në një seancë dëgjimore më 3 mars.

‘Absolutisht e papranueshme’

Mungesa e transparencës dhe programi i amnistisë së municioneve i kanë habitur deputetët. Ekspertët e mbrojtjes pyesin nëse një gjeneral mund t’i mbrojë trupat nga pasojat ligjore të veprimtarisë së paligjshme.

“Ti mund t’u premtosh ushtarëve pasoja më pak të rënda,” i tha DW Marie-Agnes Strack-Zimmermann, një deputete e FDP. “Por të thuash asgjë nuk do të ndodhë është thjesht absolutisht e papranueshme.”

Ushtarët mund t’i përdorin armët zyrtare vetëm në shërbim. Ato nuk mund të barten gjatë kohës që janë jashtë detyrës ose të sillen në shtëpi. Posedimi i armëve të shkallës ushtarake, siç janë granatat e dorës që u kthyen në mënyrë anonime, është e paligjshme në Gjermani.

Komandanti i KSK tani akuzohet për pengim. Ministrja gjermane e mbrojtjes shprehu pakënaqësinë e saj për trajtimin e skandalit të municioneve, për të cilin ajo tha se ishte produkt i mungesës së disiplinës dhe “përdorimit të rregullave të veçanta”.

Ekstremizmi i djathtë “nuk është një problem në skajet” e forcave të armatosura, tha Eva Högl, komisionerja e pavarur e forcave të armatosura të Bundestagut. Kur incidentet zbulohen, ato duhet të hetohen dhe të ndiqen shpejt.

Javën e kaluar, një ushtar u arrestua në landin federal të Hessenit për zotërim të paligjshëm të armëve dhe për deklarata ekstremiste.DW

Lajme të sponsorizuara

Të fundit
Ish- prokurori special Sylë Hoxha, i cili hetoi rastin e…