“Galaxy Fold 2” do të lansohet së shpejti

05 dhjetor 2019 | 12:00

Kompania “Samsung” ka paralajmëruar një “Samsung Galaxy Fold” të ri me një dizajn në formë të guaskës.

Më parë besohej se ky “Samsung Galaxy Fold 2” i ri do të lansohej në Indi si “Galaxy Fold W20 5G”, por ajo që u lansua ishte një version 5G i “Galaxy Fold”.

Tani, një raport i ri nga Koreja e Jugut na jep një datë të mundshme të fillimit dhe madje një çmim të ri që mund ta vendosë lehtësisht këtë pajisje në xhepin e çdo përdoruesi.

Sipas një raporti të ri, “Samsung Galaxy Fold 2” mund të lansohet në shkurt të vitit 2020.

Madje, mund të ndajë vëmendjen me serinë e radhës “Samsung Galaxy S11”, pasi mund të arrijnë gjatë të njëjtës ngjarje.

Modeli i ri i “Galaxy Fold 2” mund të jetë me çmim poshtë atij të “Galaxy S11 +”.

Duket se ky model do të jetë me çmim prej 850 dollarë, duke e bërë këtë telefonin e parë të përballueshëm të palosshëm.

“Galaxy Fold” origjinal spekulohet se ka shitur mbi 500,000 njësi, madje me një çmim prej 2,000 dollarësh.

 

Lajme të sponsorizuara

Të fundit
Green Art Center-Prishtina (GAC) në kuadër të kampanjës “Ruje mos…