Gani Demaj, shef i kabinetit të kryeministrit dhe këshilltar politik, ka përkujtuar heroin Fadil Nimani – Tigri.

Përmes një postimi në llogarinë e vet në “Facebook”, ai ka treguar për bashkëpunimin që ka pasur me gjeneralin Fadil Nimani.

“Ka pasë trima, burra luftëtarë e të zotë Dukagjini. Ashtu ishte edhe Fadil Nimani, sikur personazhet e kreshnikëve në librat me historitë e luftëtarëve shqiptar. I urtë, fjalëpak, i patrembur e rrufe. Strateg i skalitur”, ka shkruar Gani Demaj.

Fadil Nimani ra heroikisht më 25 maj të vitit 2001 në mbrojtje të atdheut në Vaksincë të Kumanovës.

Postimi i plotë i Gani Demajt:

E njoha ne 1998 Fadil Nimanin.

Rrugën e parë përtej kufirit shqiptaro-shqiptar në korrik ‘98, e bëra nën përcjellje të Fadil Nimanit – Tigrit.

Dhe shpesh pas kësaj rrugët i kishim të përbashkëta.

Edhe janar-mars ‘99, në shtabin e PU në Zhabel, isha aty, me batalionin që “Tigri” udhëhiqte.

Kishte siguri e vetbesim secili kur Fadili ishte aty.

Ka pasë trima, burra luftëtarë e të zotë Dukagjini. Ashtu ishte edhe Fadil Nimani, sikur personazhet e kreshnikëve në librat me historitë e luftëtarëve shqiptar. I urtë, fjalëpak, i patrembur e rrufe. Strateg i skalitur.

Lavdia e pavdekësia prandaj u takon heronjëve.

Lavdi hero Fadil Nimani!