Shefi i grupit parlamentar të Lidhjes Demokratike të Kosovës (LDK), Arben Gashi, i është përgjigjur deputetit të LV-së, Liburn Aliu, i cili kritikoi LDK-në dhe PDK-në për bashkëpunim.

Gashi tha se janë bërë bashkë me PDK-në për të votuar një projektligj i cili është në të mirë të vendit dhe qytetarëve.

Ai ka thënë se grupi parlamentar i LDK-së e përkrahë votimin e Projektligjit për rimëkëmbje ekonomike.

“Në momente kritike për vendin jemi bërë bashkë dhe duhet të bëhemi bashkë, dhe jo për t’u fshehur atje në një skutë. Ne njerëzit e zakonshëm bëhemi bashkë për interesa të vendit, për interesa të vendit ndoshta do të bëhemi bashkë prapë në të ardhmen. Në politikë koncepti ‘kurrë’ nuk ekziston”, ka thënë Gashi.