Gashi: Tash e tutje financimi në bazë të meritave dhe rezultateve

26 mars 17:03

Pas miratimit të akteve normative, të cilat rregullojnë procedurat dhe mënyrën e financimit të federatave sportive në vendin tonë, ministri i Kulturës, Rinisë dhe Sportit (MKRS), Kujtim Gashi, ka nënshkruar memorandume bashkëpunimi me Komitetin Olimpik të Kosovës (KOK), Federatën e Basketbollit të Kosovës (FBK) dhe Federatën e Hendbollit të Kosovës (FHK).

Ministri Gashi: Tash e tutje financimi nga MKRS në bazë të meritave dhe rezultateve

Përmes nënshkrimit të memorandumeve përcaktohet financimi i këtyre organizatave sportive nga MKRS-ja, tashmë për herë të parë me kritere të reja, të cila janë të parapara me rregulloren për kategorizime.

Memorandumet janë në emër të MKRS-së janë nënshkruar nga ministri Gashi, ndërkaq në emër të KOK-ut, ka vënë firmën kryetari Besim Hasani, duke siguruar shumën prej 250 mijë euro përkrahje financiare.

Në emër të FHK-së, ka nënshkruar kryetari Eugen Saraçini me ç’rast federata të cilën ai e udhëheq ka fituar përkrahje prej MKRS-së shumën prej 219,375 euro për vitin 2018. Ndërsa, sekretarja e FBK-së, Elvira Dushku, ka nënshkruar në mungesë të kryetarit për arsyet që janë të ditura tashmë, pas dorëheqjes së ish-kryetarit Eroll Belegu, duke siguruar përkrahjen financiare në vlerë prej 217,425 euro për këtë vit.

Ministri Gashi: Tash e tutje financimi nga MKRS në bazë të meritave dhe rezultateve

Ministri Kujtim Gashi, me këtë rast ka thene se përkrahja e MKRS-së për Komitetin Olimpik dhe dy federatat iu mundëson atyre të kenë planifikim më të mirë të aktiviteteve dhe të realizojnë programin e tyre në mënyrë më të suksesshme.

“Memorandumet që nënshkruam sot me KOK-un, FHK-në dhe FBK-në, përcaktojnë nivelin e përkrahjes për këto organizata sportive. Kjo përkrahje bëhet në bazë të meritave të cilat janë përcaktuar me rregulloren e re, të cilën vetë mekanizmat që e organizojnë dhe zhvillojnë fushën e sportit në vendi tonë e kanë përcaktuar. Përkrahja tash e tutje do të bëhet në bazë të meritave dhe rezultateve që federatat e sportit sjellin për veten e tyre pikë së pari dhe në instancë të fundit edhe për Kosovën”, ka thënë ministri Gashi.

Ministri Gashi: Tash e tutje financimi nga MKRS në bazë të meritave dhe rezultateve

Ai gjithashtu u shpreh se angazhimi si institucion në mbështetje të sportit në vend nuk do të mbaroj me kaq dhe se edhe më tutje do të bëhen investime në përmirësim të kushteve për sportistë.
Përfaqësuesit e organizatave të cilat nënshkruan memorandumet u shprehën të lumtura se tashmë ka filluar një mënyrë e re e financimit të tyre, në bazë të punës dhe sukseseve që ato arrijnë duke e marrë mirënjohjen dhe shpërblimin meritor nga buxheti publik që shteti ofron si mbështetje për sportin.

Ministri Gashi: Tash e tutje financimi nga MKRS në bazë të meritave dhe rezultateve

Fjalët Kyçe:

Lajme të sponsorizuara

Të fundit
Uruguai e ka fituar turneun “China Cup”, pasi në finale…