Një vajzë 14-vjeçare është raportuar e zhdukur nga familja e saj më 28 prill 2025.

Pas disa ditësh kërkimesh, ajo është gjetur më 1 maj në një shtëpi ku dyshohet se ishte mbajtur nga një person i rritur.

Sipas Policisë, bëhet fjalë për një 25-vjeçar shtetas i Shqipërisë me inicialet M.I., i cili dyshohet se ka kryer marrëdhënie seksuale me të miturën.

I njëjti është arrestuar dhe ndaluar për 48 orë, ndërsa hetimet për zbardhjen e plotë të rastit janë duke vazhduar.