Zëvendëskryeministri i parë në Qeverinë e Maqedonisë, Artan Grupi, përmes një postimi të bërë në “Facebok”, ka njoftuar se Gjenerali shqiptar Besnik Emini, është emruar komandant i komandës së bashkuar në Kumanovë, pozitë kjo e cila është ndër më të fuqishmet në Armatën e Maqedonisë.

Grubi përmes këtij postimi ka uruar për detyrën e re, Gjeneralin Besnik Emini.

Postimi i plotë i Grubit:

Urime detyrën e re Gjeneral Besnik Emini,

Për herë të parë një shqiptar emërohet komandant i komandës së bashkuar në Kumanovë, komandë kjo e cila është fuqi mbajtëse e gjithë Armatës.

Gjeneral Besniku në mënyrë aktive ka qenë i kyçur në proceset dhe negociatat me NATO-në deri në inkuadrimin dhe integrimin e Republikës së Maqedonisë së Veriut në këtë aleancë.