Ish i dërguari special i Shteteve të Bashkuara të Amerikës për dialogun Kosovë-Serbi, Richard Grenell, edhe sot ka vazhduar kritikat ndaj kryetarit të Lëvizjes Vetëvendosje, Albin Kurti.

Ai sot është marrë me qëndrimin e Kurtit për bashkimin e Kosovës me Shqipërinë.

Në llogarinë e tij në “Twitter”, ai ka shkruar se administrata e Bidenit duhet t’i dënojë deklaratat e Kurtit për “zhbërjen e shtetit të tij”.  “Kjo duhet të dënohet nga Joe Biden dhe administrata e tij. Përse Albin Kurti po flet për zhbërjen e shtetit të tij?!” ka shkruar Grenell, duke etiketuar Departamentin e Shtetit dhe Ambasadën e Amerikës në Kosovë.

Grenelli qe tri ditë po merret vazhdimisht me kritika e akuza ndaj Kurtit dhe LV-së.

This must be condemned by @JoeBiden and his Administration.

Why is Albin Kurti talking about imploding his own country?! @StateDeptSpox @jakejsullivan @USAmbKosovo https://t.co/6SHutJ6B3g

— Richard Grenell (@RichardGrenell) March 4, 2021