Grenelli kritikon Bidenin për dialogun Kosovë-Serbi dhe Ballkanin
Ish-emisari i Shteteve të Bashkuara të Amerikës (ShBA) për dialogun Kosovë-Serbi, Richard Grenell, ka kritikuar presidentin amerikan, Joe Biden për qasjen e tij ndaj dialogut.
Grenelli ka thënë se Bideni as nuk e ka përmendur procesin e dialogut në fjalimin e tij në Kombet e Bashkuara.
Sipas tij, për Bidenin as nuk është prioritet partneriteti me Ballkanin.
“Joe Biden dështon që edhe ta përmend dialogun Kosovë-Serbi në fjalimin e tij në Kombet e Bashkuara. Qartë se për këtë Shtëpi të Bardhë partneriteti me Ballkanin nuk është prioritet në asnjë formë”, ka shkruar Grenelli në llogarinë e vet në “Twitter”.
Joe Biden fails to even mention the Kosovo-Serbia dialogue in his UN speech.
It is clearly not a priority for this White House to partner with the Balkans in any way.
— Richard Grenell (@RichardGrenell) September 21, 2021