Grupet punese të Lëvizjes Vetëvendosje dhe Lidhjes Demokratike të Kosovës (LDK) do të takohen sot në zyrat e LDK-së për të vazhduar bisedimet rreth harmonizimit të programeve qeverisëse.

Këtë e ka konfirmuar për “Klan Kosovën”, Besian Mustafa, zëdhënës i LDK-së.

Ai ka bërë me dije se takimi mbahet në orën 13:00. Ky takim ishte paraparë të mbahej në orën 11:00.

Vetëvendosje në këtë grup punues përfaqësohet nga Besnik Bislimi dhe Glauk Konjufca, kurse LDK ka përzgjedhur anëtarët e kryesisë Kujtim Shala, Lumir Abdixhiku dhe Avdullah Hoti.