Grupi Huthi ka deklaruar se do të vendosë një “bllokadë detare” në portin izraelit të Haifës. Grupi terrorist ka paralajmëruar se anijet që shkojnë atje tani do të jenë “shënjestra”.

Huthitët “do të nisin punën për të imponuar një bllokadë detare të portit të Haifës”, tha një zëdhënës ushtarak i grupit.

“Të gjitha kompanitë me anije të vendosura në ose që drejtohen për në këtë port informohen se, që nga momenti i këtij njoftimi, porti tashmë është përfshirë në objektivat tona”, shtoi ai.