Hajdari: Kosova ka potencial rininë, por i mungon aftësimi profesional

30 nëntor 11:11

Ministrja e Industrisë, Tregtisë dhe Ndërmarrësisë, Rozeta Hajdari, ka thënë se nuk ka sukses në biznes nëse s’ka arsimim që ofron fuqi punëtore.

“Vetëm forma e bashkëpunimit është me rëndësi për të ardhur te një profesionalizim te të rinjtë. Kosova ka potencial kryesor rininë dhe me këtë mund të arrijmë shumë, por mungon më shumë aftësimi profesional, industritë tona kanë nevojë më shumë për përafrim profesional. Vëmendje e lartë është për t’i kushtuar karrierës për të rinjtë tanë sepse shumë biznese marrin studentët pa përvojë dhe kjo e sjell në sfidë biznesin deri në gjashtë muaj për ta përgatitur për punë”, ka thënë Hajdari në Panairin Kombëtar të Punës, Karrierës dhe Ndërmarrësisë 2022, organizuar nga Qeveria e Kosovës, GIZ-i, Universiteti i Prishtinës dhe Oda Ekonomike Gjermano-Kosovare (KDWV).

Më tutje, Hajdari ka thënë se për zhvillimin e Kosovës është me rendësi edhe angazhimi i diasporës.

“Synojmë transferimin e vendit në një industri më të mirë që të ofrojë punësim të denjë. Derisa ne synojmë një transfer të njohurisë është me rëndësi edhe angazhimi i diasporës dhe atyre të huajve që na ndihmojnë në zhvillim”, është shprehur Hajdari.

Ndërsa rektori i Universitetit të Prishtinës, Qerim Qerimi, ka thënë se ndryshe nga edicionet e tjera të panairit, ky organizimi është përditësuar dhe i kushtohet rendësi edhe ndërmarrësisë.

“Ky organizim është përditësuar, për dallim nga vitet tjera këtu i kushtohet rëndësi ndërmarrësisë. Universiteti i Prishtinës është i përkushtuar që të krijojë një lidhje të fuqishme me tregun. UP ka gjithashtu nevojë të përhershëm për përditësim të ndjek trendin botëror në zhvillimin e kurikulave studimore, dhe duke e parë këtë nevojë kam paraparë krijimin ose ndjekjen e qasjeve për profesione. Ne po punojmë në krijimin e programeve studimore të cilat kërkohen në tregun e punës”, ka thënë Qerimi.

Lajme të sponsorizuara

Të fundit
Gazetari i të përditshmes gjermane, Frankfurter Allgemeine Zeitung, Michael Martens,…