Haliti priti në takim Imzot Dodë Gjergjin
19 qershor 2020
| 12:42
Kryetari i komunës së Vitisë, Sokol Haliti, ka pritur në takim Ipeshkvin e Ipeshkvisë së Kosovës imzot Dodë Gjergjin, të cilin e ka njoftuar me gjendjen momentale në komunën e Vitisë, posaçërisht me menaxhimin e situatës kundër Covid-19 dhe ndihëm që po iu ofron qytetarëve të kësaj komune.
Imzot Dodë Gjergji, ka vlerësuar punën dhe angazhimin institucional të komunës së Vitisë, në menaxhimin e kësaj situate, si dhe ka përgëzuar kryetarin dhe Komitetin Komunal për Mbrojtje dhe Shpëtim për përkushtimin e treguar gjatë kësaj periudhe.
Njëkohësisht, Imzot Dodë Gjergji, është pajisur edhe me certifikatën e lindjes, nga Shërbimi i Ofiqarisë në Viti, me qenë se është i lindur në Stubëll të Vitisë.
(Q.R / Epoka e re)