Haradinaj: Dita e Flamurit na mban bashkë si komb

28 nëntor 10:24

Kryeministri i vendit, Ramush Haradinaj ka uruar të gjithë shqiptarët me rastin e festës së 28 nëntorit, Ditës së Flamurit.

Haradinaj përmes një postimi në llogarinë e vet në “Facebook”, ka shkruar se Dita e Flamurit shënon rimëkëmbjen tonë dhe na kujton nëpër shekuj se kush jemi dhe na mbanë bashkë si komb.

Urimi i plotë i tij:

Të nderuar bashkëkombas, 

Sot, jemi NJË në zemër, ashtu siç ishim e do të jemi gjithmonë.

Dita e Flamurit, shënon rimëkëmbjen tonë, na kujton nepër shekuj se kush jemi dhe na mbanë bashkë si komb.

Në këtë ditë të veçantë, që koincidon me daljen në skenë të UÇK-së dhe ditëlindjen e Komandantit Legjendar Adem Jashari, kujtojmë sakrificën e shumë brezave dhe nderojmë veprën e të rënëve në kohë e përpjekje të ndryshme për liri, pavarësi e dinjitet kombëtar.

“28 Nëntori” i bekuar, është historia jonë e lavdishme dhe synimi ynë për të ardhmën e përbashkët në vlerën euro-atlantike.

Urime festa e përjetësuar ndër shqiptarë!

RH

Lajme të sponsorizuara

Të fundit
Shpallja e Pavarësisë së Shqipërisë në vitin 1912 dhe krijimi…