Kryetari i Aleancës për Ardhmërinë e Kosovës (AAK), Ramush Haradinaj, ka folur në lidhje me draft-statutin e Asociacionit të komunave me shumicë serbe që Kosova po përgatitë që të dërgoj në Kushtetuese deri në fund të muajit.

Në një prononcim për “RTV21”, ai ka thënë se një detyrë e tillë ka qenë opsion kohë më përpara, tani për fat të keq nuk i jep efektin e duhur.

“Unë besoj se një detyrë e tillë ka qenë opsion kohë më përpara, tani për fat të keq nuk i jep efektin e duhur, megjithatë është mirë që drafti që shkon të jetë i punuar prej Kosovës, mendoj që është shumë ma mirë që të jetë një draft i Kosovës. E kam kërkuar këtë edhe në të kaluarën”, ka thënë Haradinaj.