Qeveria e Kosovës nuk u jep llogari ambasadorëve, por vetëm Kuvendit për vendimet që i ndërmerr, ka deklaruar të mërkurën kryeministri i Kosovës, Ramush Haradinaj, kur është pyetur nga gazetarët lidhur me nismën për shfuqizimin e Ligjit për Dhomat e Specializuara, përkatësisht të Gjykatës Speciale.

“Qeveria e vendit llogari i jep Kuvendit. Kuvendi na ka zgjedhur. Ambasadorëve u japim llogari në marrëdhënieve diplomatike, në marrëdhënie me shtete. Ne nuk i kemi punëdhënës ata, ne punëdhënës i kemi deputetët”, ka thënë Haradinaj, raporton “Rel”.
Lidhur me kërkesën e 43 deputetëve për shfuqizimin e Ligjit për Gjykatën Speciale, që Kuvendi e ka dërguar në Qeverinë e Kosovës, Haradinaj ka theksuar se lënda është në qeveri, dhe se janë procedura që duhet të kalohen.

“I kemi 30 ditë, do t’i kalojmë procedurat në afat kohor të paraparë“, është shprehur Haradinaj në një konferencë për gazetarë, pas një vizite pune që e ka bërë në Ministrinë e Zhvillimit Ekonomik (MZhE)