Kryetari i Aleancës për Ardhmërinë e Kosovës (AAK), Ramush Haradinaj, ka përkujtuar heroin Sali Çekaj me rastin e 22-vjetorit të rënies së tij.

Haradinaj përmes një postimi në llogarinë e vet në “Facebook” ka shkruar se Sali Çekaj ishte luftëtar e atdhetar shumëdimensional.

“Sali Çekaj, luftëtar e atdhetar shumëdimensional, ra heroikisht njëzetedy vite më parë, së bashku me bashkëluftëtarët e tij Shefqetin, Mejdiun, Luanin, Ilirin, Hysniun, Izetin, Bejtën, Azizin, Afrimin, Fatosin, Fisnikun e Leonardin”.

“Salihu kaloi shumë sfida jetësore, me nder, dinjitet dhe me dijen e një intelektuali. Siç jetoi, ashtu edhe ra, për lirinë e Atdheut, për të mbetur i gjallë në kujtesën e popullit dhe historisë shqiptare”, ka shkruar Haradinaj.